Шчыра віншуем з Днём Незалежнасці Рэспублікі Беларусь і 75-й гадавінай вызвалення нашай краіны ад нямецка-фашысцкіх захопнікаў! Гэта свята нашай радасці, гордасці і мужнасці.
Зямля бацькоў — цудоўная зямля.
Пашчасціла і мне тут нарадзіцца.
Да скону дзён і зблізку і здаля
Табою, любы край, мне ганарыцца!
Адна зямля ў нас з табой. Адна.
Дае нам сілы чыстая крыніца.
Куды б мяне дарога ні вяла,
Табе хачу я нізка пакланіцца.
Мой край рамонкаў, сініх васількоў,
Тут плакаць і смяяцца можна ўволю.
Тут сустракаюць дарагіх сяброў
I песняй звонкаю, і хлебам-соллю!